Cal s'en avisar

N. Sarkozy dal temps de la campanha dal 2007, afirmava que faria ren ratificar la Carta europèa de las lengas regionalas. Promessa capitaa.

Avia declarat que preferia lo vòte d'una lei ofrant a nòstras lengas l’encastre juridic necessari a lor salvagarda e a lor desvelopament : promessa ren capitaa.

Lo govern a manco publicat lo "document que sintetisaria l'ensems de las disposicions visant, dins l'estat actual dal drech, la promocion e l'ensenhament de las lengas regionalas," mentre que Luc Chatel, lo ministre de l'Educacion nacionala, avia anonciat la publicacion al Senat lo 30 de junh de 2011.

Denant d'el, J. Chirac avia pauc obrat dins aquel sens, tot en faguent de declaracions contradictòrias. A Hanoi, lo 7 d'auctòbre de 2004 denant d'estudiants vietnamians acampats al Centre cultural francés de Hanoï avia declarat "arribessiam dins un monde que i auria una lenga soleta, voiria dire una cultura soleta" [seria] "una vera catastròfa ecologica".

Un an après, en 2005 començava la primiera manifestacion per l'occitan a Carcassona.