Impressions d’après la TV francofòna lo sera après la manif de Tolosa

Publié le par Agach occitan

Impressions d’après la TV francofòna lo sera après la manif de Tolosa

 

Relais mediatic consternant, i serion de blocatges intelleituals a mediatisar correctament d'eveniments occitans ? Cal o creire. Vist que los principals mèdias francofònes an fach degun resson de la manif occitana, anam veire a l’invers –coma en miralh- ce qu’an causit de metre en avant pluslèu que de parlar de la manif per l’avenir de l’occitan lo 31 a Tolosa.

 

Començam a l'invers tantben, que los jornals los mai vistes son a 20 oras.

TF1 parla de crisi, de la reünion de l’UMP, Sarkozy parla de l’istòria de França ambé de joves per l’avenir. Coma que l’occitan es ren l’avenir, s’en batre es far l’avenir de França.

310320121254.jpg

Pàrlan d’una ària de vacanças e de plajas dins l’Erau. Après se parla de tradicion dal « terraire » francés ambé la cosina gastronomica e d’aquelos que trabàlhan a Disneyland París.

 

France2 parla de Francés Hollande qu’es a Maiòta (fa un resson per los que gàrdian www.detz.tv al mesprès dals locutors de shimaore). Sus China, pàrlan a prepaus de la censura d’internet (blògs e fòrums blocats) e lo bolegament de las minoritats que creishe (tè, la lei hadopi e companhia en França).

310320121260.jpg

Se parla dal rescòntre al rugbi Tolosa vs. Estadi de França (París). Que d’espòrt, es limitat.

Francés Vairon es a Còrsega per parlar dal limit de budget de campanhas eleitoralas. Se parla dal candidat que se revendica d’origina auvernhata, Jaume Cheminade.

310320121272.jpg

 

 

Anam veire los jornals regionals que una ora denant fan lor edicion (19 o.)

Sus France3 Miegjorn Pireneus delocalisacion per un direit de 7 minutas sus la plaça dal Capitòli.

310320121210

Bèlas entrevistas de manifestants, de JF Laffont, JL Blenet e JP Brechet.

  310320121212.jpg

5 (la duraa exacta sabo ren) minutas mai sus la plaça dal Capitòli.

 310320121227

Vesem ben l'ample de la manifestacion.

Vesem lo sosten de la candidata Eva Joly. Lo cònsol de Tolosa es present. M. Lassala representa Bayrou (Vairon). Los autres los conoisho ren (desolat, los citarai se sabo cu son)...

310320121231.jpg

Un retorn en fin de jornal francofòne sus la manif e lo rescòntre Occitània-Sapmi.

 

310320121248.jpg

310320121251.jpgUna causa qu'es ren novèla, mas sempre confirmaa, los estats dal principi de l'Union Europèa coma França son mens en avança sus lo plan dal respeit legal de la diversitat que los novèls entrants. Es una obligacion per los candidats de respeitar ce que preconisa lo Conselh d'Euròpa tantben. Coma una mena de bisutatge, los estats ancians d'Euròpa de l'oest fan subir d'espròvas legislativas als estats de l'est d'Euròpa (estats que sovent son joves dins lor existença : Polonha 1918, Eslovèna 1991, Croàcia 1992, Chequia 1993, etc.) qu'an jamai respeitat de per elos, es aicí França s'illustra per la lamentabla expression "l'excepcion francesa".

 

Sus France3 Côte d’Azur + Provença, un bendèl desfilant nòta la manif per de lengas dins de vilas (cf. fòto sota). Mas calia saber ont cercar, e legir lèu lèu.

310320121223.jpg

Ren a prepaus de l’occitan sus France3 Lemosin, Auvernha, Aquitània, Ròse Alps. Ai mèsa la vista d'ensem de las caenas regionalas de France 3, la soleta a far un reportatge sus l'eveniment occitan es Miegjorn Pirenèus (317 sus la miu TV, cf. fòto ont se vei una plancarta Calandreta).

310320121225.jpgFrance 3 Aquitània, Auvernha, Còsta d'Azur = 0

310320121224.jpg

France 3 Miegjorn Pirenèu = 1 

France 3 Lengadòc, Provença, Ròse Alps = 0

Per l'interregionalitat occitana a la TV publica, i es ancara de trabalh !

 

 

Ren sus las autras caenas, Arte info, EuroNews, ren, etc. A ! , si sus France24 se parla de las minoritats visiblas e de la regression devèrs las minoritats. Sem d’acòrdi que concernent l’estat francés aier ò ancuei, per quina minoritat que sigue, siguet sempre un problèma per la siu màquina a « integrar » ò pluslèu a « desintegrar » la diferença. Lo modèl es París, la literatura e la pensaa parisenca en francés. Manco una allusion sus Canal + ambé Groland, auriam esperat de "blagas" un pauc crassas subre...

 

Per las autras minoritats, ce qu’avem vist es que sus 'Via Stella' =France 3 Corse -qu’elos an lo nom en lenga meme per las emissions francofònas- per lo ‘Corsica Sera’ (veire fòto sota, los occitans an "l'edicion occitana" quora se parla occitan e basta), un conviat presenta las revendicacions per lo bilenguisme (ren qu’aquò, los occitans demàndan ja una lei, per lo bilenguisme, l'estat francés saup manco ce qu'es...) e la manif d’Aiacciu. 310320121219.jpgE pi las autras minoritats, s'avetz ren lo satellita ò la TV via interret, impossible de las veire sus las caenas regionalas...

 

 

Sembla qu’EiTB (TV bilenga basca e castilhana sus lo satellite) ague parlat de la manif de Baiona per lo basco (e per l'occitan ?).

 

Concernent la premsa escricha, lo resson es melhor, un pauc dins cada region d’Occitània de « Nice Matin » a « Sud-ouest ».

Una causa que me tafura sempre es que los occitans pàrlan ben de las autras manifs, mentre que dins los mèdias escriches de las autras regions se parla gaire dals occitans, de Tolosa. Estranh. Perqué cal ren obliar que lo motor de la jornaa dal 31 es occitan ambé entorn de 35 000 manifestants. Tolosa èra la mai importanta manif de França aquel 31 ! Cu lo vorria far obliar ? Sabem perqué la presença de l'occitan es minimisaa. Lo sistèma dal poler e dals mèdias vòlon sempre usar de la paciença occitana, primiera lenga sensa estat d'Euròpa (e donca primiera lenga non oficiala d'Euròpa) dins l’esper dal poiriment de la situacion per una agonia dins lo silenci.

 

Urosament que i es lasetmana.fr, jornalet.com, www.detz.tv, etc. per se tenir informats.

Commenter cet article