Ont se parla degunament dal vivaroalpin dins l'Acadèmia de Niça (Nissa)

Publié le par Agach occitan

"...tot aquò pr’amor lo rectorat vòl pas reconéisser que lo niçard e lo provençal son quicòm d’oficial " ansin es acabat l'article consultable a gràtis sus : lasetmana.fr/actus/ensenhament/4807-quatre-oras-d-occitan-oficialas
Question-recurrenta-copie-1.jpg
L'ensenhament occitan dins l'acadèmia de Niça es lo provençal, lo niçard (se fa ren obliar pasmens d'unos considèron qu'es solament una varianta de provençal) e... manca ren de mai ?
...Cal tanben parlar de la situacion dificila -ò mai exactament catastrofica- de l'ensenhament dins l'airal vivaroalpin de las Alps Marinas (màger part geografica dal departiment e ont avem ancara de locutors natius a baudre). Es ensenhat e/ò que fuguèt ensenhat dins los establiments dal siu airal (veire la mapa dals establiments tracha d'un article miu en pèça joncha) : Mentan (collègi + Licèu), Recabruna Cab Martin, L'Escarèa (valaa dals Palhons), Còntes (valaa dals Palhons), Torrèti de Levenç, Carròs, Puget Teniers... (collègis), Val de Blora ("Licèu de la Montanha"), ecc..

mapa-establiments-06.jpg
Mai en detalh, a Mentan lo professor d'occitan vivaroalpin -qu'ensenhava lo provençal- al licèu quitèt lo pòste en cors d'annaa e se cerca un novèl ensenhaire. Al collègi privat de Recabruna Cab Martin es un ensenhaire benevòle que fa los corses d'occitan gavòt. Al collègi de Sant Salvaor e al licèu de Val de Blora l'ensenhaire quitèt lo pòste per demissionar de l'Educacion nacionala e far de corses a la fac de Nissa. Al collègi de Còntes s'ensenha en occitan niçard, a L'Escarèa sabo ren ce que s'ensenha, al Puget i a ren...
A obliar lo gavòt me fa pensar a aquel comentari (cf. http://lasetmana.fr/dorsiers/analisis/3744-loccitania-del-nord ) que sostèno totalament :Pascau RECOTILLET diguèt...

2012-08-23

Lei lemosins e les auvernhàs an benlèu de rasons de se planher. Mai que dire alòrs de la situacien facha ai parlaires dau dialecte vivarò-aupenc, qu'an mume pas de noms pròpris! Aquèu dialecte non es solament present dins partida d'Ardèsha e de Droma mai tanben dins un relarg mai grand au levant e qu'a lo malur de fare partida de la regien administrativa PACA. Muma lei nòrd-occitans que se planhon son a ignorar son existencia! Enfin, es de saupre e de regretar que mentre les occitanistas de Provença, lo "gavòt" (per fare cort) es rarament nomat e la matja part dau temps, lo territòri de PACA es assimilat a n'un territòri dau dialecte provençau. Verai que l'a d'esplicas socio-istoricas que li vau pas dintrar per ara mai faudrà ben que les occitanistas finigon per prendre en còmpte les 3 dialectes nòrd-occitans.

Pour être informé des derniers articles, inscrivez vous :

Commenter cet article