Organisacions territorialas associativas : Lo Felibrige

Publié le par Agach occitan

Pichin estudi sus lo rapuòrt entra entitats istòricas e entitats linguísticas d’Occitània.

 

En general política e linguística fan d’espacis diferents mas de còups si recopa en de luecs que la geografia constrenhe.

Mi mena a de remarcas e questions.

 

Las mius remarcas pàrton de la cuberta dal remirable obratge de Joan Fourié. Subre i es donca Auvernha, Provença, Gasconha, Bearn, Perigòrd, Guièna, Lemosin e Lengadòc. Avant lo Felibrige èra repartit en 7 Mantenènças : Auvernha – Catalonha(-Rossilhon) - Gasconha-Biarn - Guiana-Perigòrd - Lengadòc - Limosin – Provènça.

Se metet ren lo blason de Rossilhon (Catalonha). Capisso totun lo fach de plus lo méter, perqué los catalans si consideron non coma de lenga d’Oc, mas coma lenga pròcha coma lo romanch, mas tròu diferenta despí l’atge mejan. E pi la mantenença de Catalonha-Rosselhon qu’era devengua artificiala.

Aver mès Biarn-Gasconhafa que s’estima la valor istòrica dal biarnés (lenga de la Sobeirania de Bearn e terras dependentas). Après dal ponch de vista linguistic es diferent d’autres parlars gascons coma lo lanusquet.

Se faguèt ressortir lo Perigòrd dins l’ensem Guiena, mentre que coma pais equivalent Gevaudan s’en parla gis.

 

Per lo costat eràldica i son los sites http://micbourbonnais.free.fr/blasons.htm e http://membres.lycos.fr/heratlas/fra_cart.htm

La situacion es la mema per lo rapòrt Provença d’una part e Comtat Venaissin e Contea de Nissa d’autra part e, Gasconha d’una part e Bearn d’autra part. Belèu parier per lo rapòrt comtat de Foish e Lengadòc, Gevaudan/Velai e Auvernha, Peiregòrd e Lemosin... 

Provença e Gasconha son estachas dins l’orbita francesa d’ora que Bearn (1620), lo Comtat Venaicin (1791) e Contea de Nissa (1860) son d’espacis restacats cronologicament en darrier respiech a las autras províncias d’Oc. An desvolopat per aquò una identitat mai fòrta (sistemas juridics tantben) que si retroba sovent dins una pràctica mai fuòrta de la lenga que dins la mejana d’Occitània (al quotidian l’occitan de Biarn es mai practicat qu’enluec en Gasconha e parier per l’occitan nissart rapuòrt a la pràctica de l’occitan provençal de Tolon per exemple).

Per lo Comtat Venaissin, sio gaire ben al fil. Mas porriam pensar que dins la revendicacion de « Mi dison Prouvenço » per exemple, si porria retrobar un vielh fond d’identitat venaissina que sente lo besonh de marcar una diferença, tant faça als vesins d'oltra Ròse (istoric Reialme/Empèri) ò oltra Vidorle (linguistic Lengadocian/ Provençal) per los lengadocians coma als autres ...

 

Autrament al nivel de l’organisacion dal Felibrige porria i aver las causas siguentas :

- Provença-Comtat Venaissin

- Comtat de Nissa-Daufinat ò Alps (coma o volia ja l’abat Moutier) en plaça de Catalonha-Rosselhon.

 

Los blasons son cargats de simbèls e remarcaretz que en larga majoritat los colors dals Paisses d’Òc son d'aur e sang.

 

I a una buòna representacion de l’unitat dins la diversitat dals Paisses d’òc sus lo site
http://www.p-n-o.org/Occitania_federala.htm

Publié dans Reflexion

Pour être informé des derniers articles, inscrivez vous :

Commenter cet article