Per la creacion d'un fond economic occitan ?

Publié le par Agach occitan

Quarquas reflexions a prepaus de la creacion d'un fond economic occitan ?


Crear una agença d'investiment en Occitània, òc perqué ren ?
Recebèro aiçò i a gaire, http://www.invest-in-france.org/fr, que m'o faguèt pensar (nom dal site en anglés...). 
Redinamisar tantben la solidaritat economica per Occitània coma lo http://www.fsju.org
Ò ancara lo Fonds nacional jusiu (FNJ) ò Keren Kayemeth LeIsrael (KKL), pòl estre un modele per crompar las terras basta que despausem de fonds per investir. En un primier temps, los pensionats proprietaris de terras porrion ja faire de remembrament ambé l'ajua de las SAFER. L'agricultor occitan es individualista : lo veso ren, per lo moment, s'integrar a un quibotz. Es ver qu'exíston los GFA (gropaments fonciers agricòls) e los GAEC (gropaments agricòls d'espletacion en comun). Mas i son tanben totas las variantas de cooperativas (de cròmpa, de vendua ò d'us dal material agricòla (CUMA).

La segonda tapa consisteria a motivar de joves ò de maürs a praticar la pluri-activitat en zòna montanha : seria lo plus pauc riscat per debutar ?

 

Lo capitalisme a posgut fins a la darniera crisi retardar la baissa dal profiech en organisant lo credit que permete als paures de contunhar de consumar. Mas la crisi a ben mostrat qu'arriba un moment d'ont es que los paures son plus solvables.

 

Los liberals vénon de monstrar las sius contradiccions : els que criàvon sempre "mens d'estat" an demandat als estats de li prestar de sòus.

Porrem ren contunhar (los pòbles son pas tant colhons ne bòrnis) de veire las bancas privaas outenir de sòus de la BCE a 1% e prestar als estats a 3, 4, 5, 6%.

L'Euròpa a atacat un trabalh de reduccion de la proteicion sociala per tenir còmpte dal caumatge qu'empacha la reparticion. Se posquessiam deminir aquel caumatge, lo problema de las pensions e de la Securitat sociala seria totplen mens greu.

Commenter cet article