Que calia trobar de mai per contunhar lo poiriment juridic de la situacion ?

Publié le par Agach occitan

Que calia trobar de mai per contunhar lo poiriment juridic de la situacion ?

 

Lo Conselh d'Estat francés relèva lo Conselh Constitucional dins son oposicion a la reconoishença juridica de las lengas de França.

Que serà lo còup que ven ? Calrà ancara qu'i ague d'occitanistas per demandar qualqua ren dins l'avenir e esperar que seran ren alassats per aquel juec d'esperança. E calrà que la lenga sigue ancara parlaa. 


 

Lo Conselh d'Estat (cf. http://www.conseil-etat.fr) -qu'es una Cambra de Drech suprème que juga un ròtle de conselh juridic al govèrn francés- sembla d'aver emès un avejaire negatiu sus lo projeit de lei constitucionala concernent las lengas coma l'occitan -lenga parlaa dins 4 païses- dichas "regionalas" dins la Republica Francesa. 


Per lo passat, cal dire qu'après la firma dal tractat de Maëstricht, lo 7 de febrier de 1992, foguèt inserit dins l'article 2 de la Constitucion dal 4 d'auctòbre de 1958, una disposicion proclamant lo francés coma « lenga de la Republica ». Aquela disposicion devia protegir lo francés còntra l'influença de l'anglés, e còntra son imposicion per las instanças europeas de paur de se trobar en situacion minoritària. Lo Ministre de la Justícia (Garde des Sceaux) avia assegurat a l'oral als deputats e senators que la precision seria deguna ostila a las lengas regionalas. Verba volent, scripta manent. En 1999 lo Conselh constitucional interpretèt donca aquel article constitucional coma exclusent las lengas regionalas.

D'efiech, lo processús de ratificacion de la Carta Europèa de las lengas regionalas e minoritàrias s'interrompèt en lo 1999 quora lo Conselh Constitucional (cf. http://www.conseil-constitutionnel.fr ) en seguia de la sasina dal corresian Jacques Chirac, President de la Republica de l'epòca. Lo Conselh estimèt que la Carta avia d'articles inconstitucionals, incompatibles ambé l'article 2 de la Constitucion francesa de l'epòca. Lo Conselh Constitucional es l'autra instança Suprèma de Drech francés que se pronóncia -sus demanda- a prepaus de la conformitat a la Constitucion de leis e de reglaments. Era precisat que calia alora una modificacion de la Constitucion per perméter aquela ratificacion.


De notar que despí l'article 2 siguèt modificat per integrar las lengas de França. Donca, logicament i èra plus de blocatge possible. Mas òc, an trobat un autre blocatge.

 

Malgrat las promessas de François Mitterrand (PSF) de 1980, "Discours dit de Lorient sur la promotion des langues régionales de France" e un autre discors a Lorient lo 14 de mars de 1981 : “C’est blesser un peuple au plus profond de lui-même que de l’atteindre dans sa culture et sa langue. Nous proclamons le droit à la différence”. 

 

Parier per "Mes 60 engagements pour la France" ambé la promessa n° 56 de François Hollande (PSF) dal temps de la campanha eleitorala en mai de 2012 : "Je ferai ratifier la Charte européenne des langues régionales ou minoritaires", envolat, ce sembla.

 

Cada dimècres, son discutits de projeits de leis en Conselh dals Ministres (pi a l'Assemblaa Nacionala). Lo projeit de lei de la seança d'aquela setmana que devia portar sus las lengas de França despareishèt.  Jean-Jacques Urvoas, lo President de la Comission de las Leis e Deputat de la majoritat PSF de Bretanha, comprenguèt ren ce que se passèt. Demanda la motivacion juridica dal Conselh d'Estat per poler ripostar dins una novèla argumentacion. Lo govèrn francés d'Hollande sembla s'èstre limitat a aplicar las conclusions de l'avejaire dal Conselh d'Estat. Aquel Conselh sembla que motive jamai en public las sius decisions... 

 

Aquela question depassa la question de la drecha e de la senèca. Sus lo terren, d'unas comunas an ja fach de projeits concrèts. Sembla que la comuna UMP de Niça l'ague ben comprès en metent l'accelerator sus l'escòla bilenga francés-occitan niçard de Niça, mentre que doas an fa, un projeit similari previst sus la Còla dal Castèu de Niça avia fach un crep e mentre que laishèt la Calandreta de Niça pérder sos escolans. La comuna d'Agen poiria tantben sortir amb un image positiu ambé la creacion d'una calandreta agenesa, après qualquas annaas que siá estacha barraa per causa de divergenças politicas. Mas plus de Calandreta a Marselha...

 

Pour être informé des derniers articles, inscrivez vous :

Commenter cet article