Vivaroalpenc e gascon an mai de causas en comun que ce que poiriam creire

Publié le par Agach occitan

Quora ai temps, vau visitar 'a blogosfèra occitana. E aquela pàgina m'atirèt l'uèlh :

http://loblogdeujoan.blogspot.fr/2013/11/hens-lahens-laguens-dens-etc.html

 

Ne'n parlavo ja mai de dètz ans fa, a un amic -Jerèmia- un jorn de passiaa a Bordèu (amic que me dèu sempre mandar un CD de son grop en escambi de 10 € que li donèro a l'epòca, m'enfin es ges 'a question). Vau benlèu passar per 'o preire dal vivaroalpin (coma disia l'amic JP Belmon, mas après tot aquelos qu'escrivon dins son dialecte fan parier, provençals incluses), l'occitan vivaroalpenc es jamai pron conoishut. Cf. mas opinions de jornalet.com

Se pilhatz temps de ben legir 'o prepaus, capirètz qu'en partir de la basa, permete de pilhar de recul...

 

Notavo ja de semblanças que pauc de monde fa dins l'occitanisme entre occitan gascon e occitan vivaroalpenc :

- en fonologia : 'a -n- intervocàlica que pòl s'escafar (o s'afeblir), -ss- que deven -sh- ;

- per 'o lexic : damb (a costat de "amb, emb"), totun (a costat de "pasmens"), moishar (a costat de "veire"), chic, chícol, e... ben cal ajustar a aquela tièra "lains" parier.

 

(sensa parlar de l'article salat "so casau" que s'es perdut d'emplec en gascon mas ancara d'usança dins la region de Coarasa a Tièri, coma en provençal de Grassa a Vença en passar per Corsèglas)

Dins un airal gròs situït de Castelana a Aròs, de Robion a Sa Ròca d'Esteron, trobam ancara ancuei l'emplec massís de "lains" per "dintre, en, dins".

Coma que dins l'occitan i es ren solament 'o gascon d'original. Polèm far de causas parieras tanben en lus Alps.

E mai, es ben la pròva d'a fractalitat occitana. 'A diferença dins lo pichin se torna trobar dins lo grand, pròva de l'unitat dins la diversitat occitana.

Commenter cet article