Auzour, Folco DE BARONCELLI- JAVON

AUZOUR !

Avignoun la deliciouso
Vers Toulouso
Viro te que sian au tem
Oublidant cansoun e dono
Anen, sono
lou trignoun de l'an que ven !

Siei cents an de demasclage,
D'esclauage
Paure pople dóu miejour
T’an bouta mounte sies aro
Eme ta caro
Signado di set doulour.

De la lengo e de l'araire
de ti paire
Li franchiman t'an apres,
En t'inoundant d'uno sorgo
de messorgo
La vergougno e lou mespres

E vuei qu'au founs de toun amo
Mor la flamo
I remembre glourious,
A ta vido journadiero,
Coustumiero
S'agarisson, envejous

A si granjo negr' e soumbro
Pourtavon oumbro
Lou drudige de ti man
Qu'un la de cau blanquinelo
Emmantelo
Au rebat di souleihas

Franchiman a faci pallo
Que regalo
Lou cop d'iuei de nosti man
Vous faren passa per maio
La fruchaio
Quauqui jour que fara caud !

Lengado, te cridan glori !
E victori !
Qu'as ausa, vesen toun dre
Bandi countro eli
lou glasi
Que lis avi enterreron a Muret.

17 de junh de 1907

FOLCO DE BARONCELLI- JAVON (1869-1943) dich "Lou Marques" fondator de la NACION GARDIANO